Velbastaðar skúli er dátuábyrgdari fyri viðgerðini av teim persónupplýsingum, vit hava skrásett um teg. Sum dátuábyrgdari er tað skylda okkara at tryggja, at viðgerðin er í samsvari við reglurnar í dátuverndarlógini.

Skúlin er dátuábyrgdari og hevur skyldu at kunna teg um eina røð av viðurskiftum og rættindum, sum tú hevur sambært dátuverndarlógini. Tó skalt tú geva tær far um, at tað kunnu verða undantøk í tínum rættindum, tí skúlin er ein almennur myndugleiki, sum í nógvum førum hevur skyldu at viðgera persónupplýsingar sambært aðrar reglur ella aðra lóggávu.

Tú skalt í høvuðsheitum hava fráboðan um, at persónupplýsingar vera viðgjørdir um teg, hvør er dátuábyrgdari, endamál við viðgerðini, møguligir móttakarar av upplýsingunum v.m.

Heimild og endamál við viðgerðini

Skúlin viðger tínar persónupplýsingar, tí vit, sum skúli, skulu veita tænastur og veitingar, og í hesum sambandi hava brúk fyri persónupplýsingum um bæði foreldur, næmingar, feløg, fyritøkur, starvsfólk og samstarvspartar.

Málsviðgerðin í skúlanum er fevnd av reglunum í dátuverndarlógini, fyrisitingarlógini og skjalasavnslógini v.m.. Vit viðgera tínar upplýsingar sambært § 8, stk. 1, nr. 1, 3 ella 5, umframt § 11 stk 2. nr. 1, 2 ella 7, í dátuverndarlógini.

Um vit innsavna ella seinni viðgera tínar persónupplýsingar til hagfrøðilig endamál, verður tað gjørt innan fyri karmarnar av § 7, stk. 3, í dátuverndarlógini.

Dátuverndarlógin tryggjar skrásettum eina røð av rættindum. Hesi eru nærri lýst í kapitli 4 í dátuverndarlógini.

Rættindini í dátuverndarlógini eru hesi:

• Rætturin til kunning í §§ 23-25
• Rætturin til innlit í § 26
• Rætturin til rætting í § 27
• Rætturin til striking í § 28
• Rætturin til viðgerðaravmarking í § 29
• Rætturin til dátuflutning í § 31
• Rætturin til mótmæli í § 32-34
• Rætturin til ikki at vera fyri avgerðum, sum eru grundaðar á automatiska viðgerð
• Rættindini eru ikki treytaleys, og tað veldst um ítøkiliga málið og ítøkiligu umbønina, um hon kann gangast á møti.

Um tú vilt gera eitt ella fleiri av rættindum tínum galdandi, kanst tú venda tær til skúlan við telduposti til vel@skulin.fo við viðmerking “att. Dátuvernd”, umvegis telefon 302505, ella vitja á skúanum.

Skúlin er opin gerandisdagar (mánadag til fríggjadag) millum 08.00 og 15.00.

Hvar stava persónupplýsingarnar frá?

Skúlin fær vanliga flestu upplýsingar, vit skulu brúka, frá tær. Men vit kunnu t.d. eisini heinta upplýsingar frá fólkayvirlitinum ella øðrum almennum skráum.

Vit skráseta og deila møguligar upplýsingar við aðrar myndugleikar, partar í málum ella onnur til tess at kunna viðgera mál títt á nøktandi hátt.

Um tú hevur givið samtykki til, at vit kunnu savna upplýsingar viðvíkjandi tær í sambandi við málsviðgerð/umsókn, kanst tú til eina og hvørja tíð taka samtykki títt aftur.

Bólkar av persónupplýsingum sum vit savna

Skúlin viðger persónupplýsingar um teg í sambandi við ítøkiligu málsviðgerðina. Upplýsingarnar kunnu verða vanligir persónupplýsingar

t.d. navn, p-tal, bústaður og onnur viðurskifti. Talan kann eisini verða um viðkvæmar persónupplýsingar t.d. um heilsu og sosial viðurskifti.

Víðarigeving av persónupplýsingum

Skúlin gevur bert tínar persónupplýsingar víðari, um vit hava skyldu til tess sambært viðkomandi lóggávu, gjørda avtalu/sáttmála, viðkomandi málsviðgerð, aðrar almennar stovnar og myndugleikar.

Skúlin gevur í útgangsstøðinum ikki persónupplýsingar víðari, sum skúlin hevur savnað í sambandi við ítøkiliga málsviðgerð.

Í ávísum førum er tað tó neyðugt, í sambandi við málsviðgerðina, og fyri at halda skyldurnar í t.d. fyrisitingarlógini og skjalasavnslógini, at senda persónupplýsingar til annan myndugleika ella triðjapersón. Tað eru tá bert neyðugar upplýsingar, sum verða givnar víðari.

Í útgangsstøðinum flytir skúlin ikki persónupplýsingar um næmingar til útlond ella triðjalond, hetta kann tó verða neyðugt í sambandi við ítøkiliga málsviðgerð.

Goymsla og striking av persónupplýsingum

Skúlin strikar persónupplýsingarnar, tá ið málið ikki longur er virkið, og goymsluskyldan gongur út, og tá ið eitt møguligt skjalasavnskrav er uppfylt. Tá ið upplýsingarnar eru savnsgoymdar ella strikaðar hevur skúlin ikki longur atgongd til hesar.

Brúk av kennifílum (cookies)

Vit brúka kennifílar á heimasíðunum hjá skúlanum til tess at betra um tænastuna á síðunum. Hetta til tess, at gera heimasíðuna meira ítøkiliga og viðkomandi fyri brúkaran. Brúk av kennifílum verður heimilað í ítøkiligum samtykki, sum altíð kann takast aftur.