Teitur hevur tónleik í dag.

Í dag kemur Emmy Joensen frá Betri vinum at gera eina uppfylgjandi trivnaðarkanning í 1., 2. og 3. flokki.

Endamálið er at kanna, hvussu næmingarnir trívast í skúlanum - fakliga og sosialt. Vit kunnu staðfesta verandi støðu og fylgja við gongdini. Soleiðis kunnu vit brúka tað í okkara víðari arbeiði við Betri vinum og síggja, hvussu verkætlanin eydnast og roynist.

Kanningin er ein spurnakanning við 20 spurningum um teirra skúladag, t.d. hvussu tey trívast í skúlanum, og hvussu teimum dámar fríkorterini og tímarnar. Næmingarnir verða navnleysir, soleiðis at ongin einstakur næmingur kann “kennast aftur”.

Flokslærarin verður í flokkinum undir kanningini, so at børnini kenna seg trygg.

Vit greiða næmingunum frá endamálinum við kanningini, hvussu hon fer fram, og at hon er sjálvboðin. Vit vóna, at tit lata barn tykkara luttaka, soleiðis at vit fáa so góða mynd av samlaðu støðuni í grunddeild sum møguligt.

Um tit ikki ynskja, at barn tykkara skal luttaka í kanningini, kunnu tit geva skúlastjóranum boð um hetta í seinasta lagi 4. mai 2026 við telduposti ella sms. Um tit hava spurningar ella ivamál, eru tit vælkomin at venda tykkum til skúlastjóran.